تعليقات ساخرة

طرائف وتعليقات من قبل المنتسبين الى الصفخة

---------

رديّات
Patrick Rizkallah

المالك قضّاها من سنين

بين صفوف المحرومين

بيقبض أجارو من البيت

أرخص من تنكة بنزين

 

Mike Therry

بدنا يطلع هالقانون.. حتى الكل يكون ممنون..

وترجع مباني تعمر....وتتكحّل فيها.... لعيون..

ويرجع لبنان العمران..السايح بجمالو مفتون..

والعدل يواسي لجراح..هلمالك يللي مغبون..

---

يا مستأجر يللا اختار.. يمّا الجنّة يمّا النار..

لانّو اللي بياكل حق.. الله بحسابو...دبّار..

Ayad Jurdi

عللوعللو هل رايات عمبتهبط البنايات

شكرا لهيك قوانين طيرولنا المصريات

وبعده المالك القديم عميستنا القرارات

جرصة والام وتعذيب وقبع اسنان وعمليات

والهيئة بعد بكير لتقريب المسافات

كلهم نايمين على حرير بيوت وخدام وسلفونات

نحنا هون بالمرصاد تنرجع حق الاخوات

وربيعنا قرب جايي وجايب معه هالشمعات

 

Mike Therry

يا هلصوت..روح وجيب..

الكرامة...مش رح بتغيب..
وسماع مني يا قانون:
حرقك..صار وقتو.. قريب

Andera Zouheiry

 الحق رح نجيب.....

 حرق القانون مش معيب.....

 طول عمرو عنا غريب....

 واكيد رح يصير رماد بتاريخ ها الوطن العجيب........

 يسلم تمك يا دكتورنا العميد

Mike Therry

 لا دكتور ولا عميد..
ولا القاب تروع بعيد..
كلنا جنود القضية..
وعنها مش ممكن نحيد..

لو بدنا نوزع القاب..كنت انت ملكة الغاب..
يلقضية المالكين... بقلبك فتحتيلو... الباب..
اتصالات اجتماعات مية سؤال وجواب..
ولو مين ما زعلك..ما منسمع منك عتاب..

المالك بالوطن مظلوم..
عايش وبقلبو لهموم..
ومشرّع مفضّى بالو..
مطّمّن حالو ما من قوم..

بس الحقيقة وحدة... بالتراصف والوحدة..
بدنا نخللي الليل نهار..
مش رح نركع مهما صار...
ونزتّو لهلقانون... يللي مرمرلي جدّي..
بي مزبلة التاريخ..ونعمل عليه العدّة
..
ونقللو للمشترع..

انتخبك؟.....
فشر!!... ما بدّي..

Andera Zouheiry

 يسلم تمك يا جندي ...

متلي متلك عا وعدي......

يا الحق المجيد عنك ما رح نحيد وبالمختصر المفيد عا بعض ما بدنا نزيد.....
ويا مالك يا مظلوم حقك وحقنا رح منصون......

همك رح منصون عاقد ما بكت العيون......

وانشاء الله تفرج الهموم ونكسر ظلم ها القانون.....
ويا مشترع يلي متلكاا عن واجبك شو متردد.....

اجا وقتك تتقلب عا كرستك رح تتشردد...
ظلم الناس مش اي كلام.....

وحسابك عنا الو ترجمان........

رح نلخصو بكلمتين....

عا ورقة بانتخاب البرلمان.....

--------------------------------------------------------------------

Dólly H. Taniós

على دلعونا على دلعونا المسؤول ببلادي أهضم ما يكونا
بتحكيلو قصتك بتشكيلو همّك دغري بيسألك من أي لونا
انا لبناني يا حضرة المسؤول ما بدا واسطة لتخدمونا
هجّرتونا و شرشحتونا وعالكراسي ترأستونا
طلعت يا حضرة المسؤول
من أنجس ما يكونا

Mike Therry

على دلعونا وعلى دلعونا.. الله يعزبهن يل عزبونا..
كل واحد منهن سارق ملايين..وقالو بالعدل رح يحكمونا..

كل واحد منهن عامللي فارس.. اكلو وما خللو الاخضر واليابس..
وبيسالوني ليش ببقا عابس..عابس عوجودن...يللي باعونا..

كل واحد منهن بالحكي شاطر.. اللقمة من تميّ لاطيلا وناطر..
ما مخللي براسي فكرة او خاطر..جنني هوي وشرع القانونا...

الناس اللي ماتو راحو علجنة...وما بدن منك عطف ولا منّة..
وزفت اللي فرشتو خلليلك هنّي..والله بحاسب لمتلك ظلمونا..

صار بدي قللك هيدي الخبرية... كبيري عاليك هلجمهورية..
وقانونك هيدا وراقو المهرية... عشاك الليلة انتا وممنونا...

 

Dólly H. Taniós
قوم تزحزح يا مسؤول
قوم تزحزح يا مسؤول
مصايب شعبك كتراني
بتضلك سايق للخلف
سوق شي مرة قدماني
فضّيت جيوب الناس
وانت جيابك ملياني
المسؤولية مش بالمركز
بدّا صاحب وجداني
لا تمثلني بالمجلس
او حتى تحكي بلساني
مش لابقلك هالمنصب
اشرفلك تجلي صواني

 

Mike Therry

 

ميزان العدالة في لبنان

يلّي اخترع الميزان..
فكر يعدل بالحملان..
عملو ديما بيصلًي..
وللخالق مد الايدين..

بس الناس استغللوه..
وبالتجارة استعملوه..
شي بالنقدي..
وشي بالدين..
باع واشترا الانسان..
وبتقللي كيف تازعلان؟
ولك مش انا..........
هيدا...........
الميزان...
طلعولنا علتلفزيون... مسؤولين بمية لون..
طلعولنا علتلفزيون... مسؤولين بمية لون..
عميفقعوا التصاريح..وبيقولو عدلن منيح..
وبالمالك نزلو تجريح.. وريبن(
RAYBAN) اسود عالعيون..
طلعولنا علتلفزيون...

بهليوم لكللو احزان...لسوادو غطّا لبنان..
اللي بلحظة تهدم بنيان..وصارت البسمة نسيان..

ايدي بايدك عالظالم..والحاكم بدنا نحاكم..
والحق نعيدو سالم.. لسلبو الحاكم بي لفنون..
وطالعي علتلفزيون...

يا ناسي لمات مبارح..لدمّو بضميرك سارح..
قانونك سكين جارح.. وجاي اجلك يلقانون...
وطالعلي علتلفزيون...

قلبي اليوم كتير حزين..حاسس بضربة سكين..
بعدل الضايع من سنين..باحكام .......مشرعين..

اكلو رزق.. المساكين..وفرقوّا المستأجرين...
عن اهلهن...هالمالكين...وقهروهن بيهلقانون..

وبيطلعو علتلفزيون؟؟؟

ولك فلّو من وجّي من هون

 

ظالم بثوب الملاك

ما في حق.. فلتان لملق... ظالم بثوب الملاك...
بكل وقاحة..بابي دق... وقللي انتا يا ملاًك..
"عم ادفعلك...مصرياتي...
يا معصبني... بحياتي...
ومعذبني بي سهراتي...
ومعيشني بالهلاك"
ظالم بتوب الملاك...

قلتللو كتر خيرك...
يا ماشي عكس سيرك..
بدك ادفعلك معاش؟
وعيشك انتا وغيرك؟
اجارك بكروز دخان..بسعر الخبز من الفران..
بسعر فاتورة قازان..
او القنبز ...لطيرك..
يا عمي.. كتر خيرك...

المطلوب نبوس ايديك...
ونقللك... تكرم عينيك...
ونهديك الماجور يا بيك...
.ونقللك.... شبيك لبيك...
وتورتو... لولادك... ومن بعدا... ولاد ولادك...
وبعدا.. لشجرة احفادك..
وينسانا الهوى وينساك..
ولك يا عمي..تكرم عينيك..

مين بيقو ل الحق موجود؟
مين بيقول في الو وجود؟
العدل كذبة موصوفة... بهلفوضى... لما الها حدود...
ويا خي المتلي مقهور...
الناطر شي امل..شي نور...
صللي لرب المعمور..
تستأجرلك شي مأجور..
وتنعم بنعمة غيرك...
وتقللو ل
هلقانون...
يا عمي .. كتر خيرك..
 

المستأجر القديم ( مش المعتر)

 

يا مستاجر القديم.. نيالك.. مين متلك مين؟
حرام بتدفع اجار... بالسنة مية وخمسين...
دمعتللي عينيي...شفقان عليك وحزين...
ليش ما منعطيك العقار ومصروفك على التدخين..
ونصلليلك ليل نهار... با معيشنا صرلك سنين..
عندك كل السيارات... وتجكيل .. وموتيرات..
ال..سي..دي وريسيقيرات..سليلورات وكاميرات..
مش حسيدة وضيقة عين.. او تبصيرة بالفنجان...
المغزى من القضية.. رح قولا بي هلسطرين:
القصة قصة بحر كبير... وعم يغرق فيها الانسان..
القصة قصة عدالة......... ومفقودة.... بي...هلزمان

 

بتقول المالك قاسي؟

 

شايفك واقف عاراسي؟
شو ما عندك كراسي؟
خمسين الف بالشهر
وبتقول عني قاسي؟

عقد لعندك.. من جدك
وقرايبك سكنو عندك
والسليلة خرطوش فردك
ولعيون عقد الوراثي

وبتقول عني قاسي؟

 
فكرة جهنمية لتحرير الايجارات

عندي حل.. لهلقضية... سمعوا مني هلخبرية:
الدولة بتبني عمارات... او مساكن الشعبية..


والمستاجر..بيستاجر..وبيقبضها منو شوية...
وبتكون اكلت الضرب...وبتعلق بهلمسرحية..


وبي "هلخطة الانمائية"..
بتصير هيي تحس فيي..
وبتحرر الايجارات.
.تا ما تدوق اللي مر عليً..


ك.ك.ك.ك.ك.كيف هلفكرة الجهنمية؟

 
تضربي ملّلا عيشة

لمسيرة مستمرة.. هيدي حقيقة مرة..
عايشين بشريعة الغاب...
لا حق... ولا مسرة..
المسيرة مستمرة..

مسروق.. بالمبنى المنجور..
الدستور...صار بدو ناطور...
والمالك.. محتار مقهور..
وهيدي مش اول مرة...
المسيرة مستمرة..

المستاجر ورًت ابنو..
ومننو لابن... ابنو..
والقانون من غبنو..
زت الحق... لبرًه...
المسيرة مستمرة...

وعيشي يا بلادي... عيشي..
علدخان.. والحشيشة..
ويا مالك... قول معي..
تضربي... مللا عيشة...

قانون تمديد الايجارات

قانون صفحاتو مهرية..
مسم
وم متل الحية..
ضايع بوراق النسيان..
بجوارير المنسيّة..

لا عدالة..ولا قسطاس..
قانون مهلهل... فناص..
كذّب عمواطن مسكين..
وبرزقو.. دقللو سفين..

سلّط ناس.. عالقمة ناس..
وشال من القلب الاحساس..
وزاد الناس المظلومين..
لبيسميهن:.... ملّاكين..

ويا هلصوت..روح وجيب..
والكرامة... ما بتغيب..
وسماع مني يا قانون:
حرقك صار وقتو.. قريب..